صوت الرصاص
لو عندك كلمة محشورة في زورك عايز تقولها علشان الصح انك تقولها بس خايف تقول ...
قول ومتخفش ..
لو عندك قرار لازم تأخذه ومش عارف تأخذه علشان خايف من اللي أنت مش شايفه
خد القرار ومتقلقش ...
لو فيه حاجه نفسك تعملها (وهي طبعا مش حرام) ...
اعملها ومتقلقش من عواقبها ....
لو هتخرج من دائرة الأمان اللى أنت عايش فيها وتطلع للطل
أطلع ومتخفش ...
المهم متقلش ومتخفش وجمد قلبك ولا تخاف من صوت الرصاص فالرصاصة التي ستقتلك لن تسمع صوتها ...
البوست ده إهداء لكل متردد
أصلي أترددت كتير قبل ما أكتب البوست ده
47 comments:
القلب الجريئ
يعلنها مدوية صارخه عاليه ملعلعه
اوعى وشك
اوعى السريع
اوعى تبقى متردد
واحب اضيف اضافه صغنونه
ان التردد بيسرق العمر يعني لو هانقول مثلا انك في عمرك كلو وانت متردد اخدت مائة قرار فلو مكنتش متردد كان زمانك اخدت 1000000 قرار وجربت 1000000 حاجه جديدة في حياتك واستفدت وأفدت
الله الله الله
ايه التعليق الصاروخي الجامد ده بلا تردد وبلا خوف قلتي اللى في نفسك ...
تسلم ايدك وليكو عندي واحد شكولاته تاني من بتاع المعادي ....
ياه يا أحمد
دة
انت جيت على الجرح مظبوط
التردد واللي بيعملوا فيا
لما بتحط في موقف اخد في قرار فعلا بتعب قوي
ده داء نفسي اخلص منه
تحياتي
Salma Amer
لو عايزة تتخلصى منه اعرفي بس ان الرصاصه اللى يتقتل مش بنسمع صوتها ...
يبقى متخفيش وخشى على طول
لا تخاف من صوت الرصاص فالرصاصة التي ستقتلك لن تسمع صوتها
بيعجبني اوي التعبير دا بس حتى لو سمعت صوتها ومكتوب انها تصيبك هتصيبك مهما حاولت تفاديها
ومهم اوي ان الانسان ميترددش بيس لازم يفكر قبل مايعمل الحاجة وكده كده المكتوب والنتيجة هتحصل هحتصل المهم لما تحصل منحسش انه كان المفروض نعمل حاجة ومعملنهاش
وزي المثل مابيقول خسارة قريبة ولا مكسب بعيد
ولن يصيبنا الا ماكتب الله لنا
المهم نفكر كويس ونسيبها على الله
شكرا بجد ع الكلمتين دول .. سبحان الله انا مترددة جدا عموما فى حياتى وخصوصا اليومين دول
جزاك الله خيرا بجد
ابو رفعت
هالكلام جامد مفيش شك
بس انا عاوز اقول حاجة مهمة
أن فيه فرق بين التفكير والتردد
وعلى حسب أهمية الموضوع بيكون عمق التفكير
وكل مكان الموضوع مهم وحيوي ومتعلق بمصيرك كان التفكير أعمق ولازم ياخد وقته علشان تاخد قرار سليم اما التردد انى اتسرع واخد قرار وفى نص السكة ارجع واقول انا غيرت رائي
لان التسرع فى اخذ القرار زي التردد وعلى العكس يمكن يكون اسوء منه
هذا وبالله التوفيق
كنتم مع عادل طوبه
دوللي
وانت قلت متخفش وان خفت مش هتقول حاجه ...
شكرا دوللى
إنـســـانـة
خلاص دوسى بقة وبلاها تردد ....
اقتحمي فانتي لها
عادل طوبه
يا عزيز عيني انت
انا بتكلم عن التردد بعد التفكير وهتلاقيتي في البوست كاتب كلمة كان لازم تقولها او تصرف كان لازم تتصرفه انها دعوة للشجاعة صديقى الدوق
من امام جهاز الاب توب
أحمد رفعت-الدقي- القاهرة
يحضرني هنا قول الشاعر
قومي
إنفعلي
إنفجري
لا تقفي مثل المسمار
:)
وصحيح إنت بتتكلم بجد في حكاية الرصاص دي.. علشان الواحد يعمل حسابة لما يختار طريقة موتة في المستقبل يعني
:d:d:d
حته جد بقى
_________
التردد : حاجة وحشة أوي
سرعة أخذ القرار بدون تفكير: حاجة تودي في داهية
التفكير السليم: حاجة مهمة أوي وتخليك في السليم
اللي يقدر يوازن ويعمل معادلة مابين التلات حاجات دول يبقى حيعيش في السليم
تحياتي
عبد الناصر قال: " الأيدي المرتعشة لا تبنى المستقبل" أو حاجة كده
المهم ان كلامه صح اوي و كلامك كمان
لكن ساعات الناس مش بتعرف تطبق و خصوصا انا في النقطة دي كثيرا ما أتردد
المشكلة اللى بجد انك بعد ما تأخد القرار ترجع تندم ....أسوء إحساس في الوجودهو الندم والذي يليه احساس التردد
يمكن لأن الإنسان بيكون عايز يوصل للكمال و ده مستحيل بيكون مش عايز حتى يغلط في اتخاذ قرار أي قرار فبيقع في الأخطر من الخطأ ألا و هو السلبية
ربنا يبعدنا عن السلبية لأن هي دي اللى أخرتنا كتيير
تحياتي
و عندي لك كلمة عتاب ...لن أقولها ....أصلى مترددة...ههههههههه
الله عليك يا عم أحمد
بجد بوست جميل ورايق وجاي في وقته لناس كتير
ربنا يبارك لك يا شيخ
تحياتي
بجد انا بكره الخوف فى حد ذاته والخوف يجعلك متردد والتردد يجعلك مشتت وهكذا لكن انا مبخفش يا استاذ احمد ؟
بوست هايل دايما
RAMA
ايوة كده ارجع زي زمان .....
كلامح صح ومنفق معاكي اوي اوي اللى بيعرف يوازن هو اللى بيفوز في الاخر
الحلم العربي
فيه مثل يؤيد كلامك بيقول ان نندم على ما فعلنا افضل من ان نتحسر على ما لا تفعل ...
وبعدين بجد عتاب ايه كفى الله الشر ...
بجد فيه ايه ؟؟؟
زعلانه ليه ؟؟
صاحب المضيفة
الله على لسانك اللى بيشر عسل ...
ربنا يخليك يارب ويسعدك ويقويك في الحق
صوت من مصر
طالما مش بتخاف يبقى هتخش في حاجات كتير وهتتعلم كتير اوي ..
تسلم زيارتك
بلا تردد وبلا خوف
البوست دة كلامة كان نفسى اكتبة انا
لانى من فترة ليست بالبعيدة
ايقنت ان اكتر انسان ممكن اكرة حتى من غير ما اكلمة
المتردد
السلام عليكم
اجمل اللي عجبني الرصاصه اللي تقتل مش هتسمع صوتها
انا بروزتها وحطتها في الدفتر اللي بكتب فيه قدامي
فوق من الرائع كالعادة ما جيبتش جديد
ربنا يكرمك يا أخ عزيز عليا بجد
بس حتي لو الكلام صح في خيط رفيع بين التردد والاندفاع
بس مقاسة يبقي أميل لايه؟؟؟؟؟؟؟؟؟؟
مش عارفة
علي فكرة اناالان عماله اتعامل مع حياتي بالطريقة دي وأميل للاندفاع غير المحسوب لاني مش خسرانه حاجة
هبقي اجي اقولك وصلت لفين بس دعواتك
للا فعلا التردد حرامي العمر اللي مش بيتحاسب
ولو وصل للقلب مش بيتعالج منه
بس انت عارف المشكله اننا شعب مش مفكوك دماغة مقيدة بزحمه فاضية
ربنا يعزنا بالاسلام ويعز الاسلام بينا لاننا خير أجناد الارض
يعني شجاعة واقدام
وكل حاجة قولتها في البوست
بس بجد الرصاصة اللي هتقتلك مش هتسنمع صوتها افتكاسة هايلة
واحد مش فاهم حاجة
القلوب عند بعضها يا كبير ...
وانا كمان مش بحب المترددين
Nesreen
علشان متخفيش من صوت الرصاص تاني ...
اصله مش بيخوف
الخيط الرفيع
ربنا يكرمك ونسمع عنك كل خير بس على فكرة اننا نوازن الدنيا بين عدم الاندفاع وبين التردد هو ده مربط الفرس ....
طيب مستني اطمن واسمع اخبارك ...
على فكرة موضوع الرصاصه كان بيحمس بيه نابليون جنودة قبل المعركة مش انا اللى مفتكسها ...
طب انا قرار يخص مستقبلى متوقف على موافقة بابا و هو عمره ما حيوافق عشان مزاجه كده
اعمل ايه ؟؟؟؟
اهو التردد دة بحس بية كل لما ادخل عندك ويعجبني كلامك وابقى مش عارفة اقول اية وافضل اتردد اتردد وفي الاخر بخرج من غير مااعلق
بس دلوقتي بقى
انا لسة مترددة برضة هههههههه
بارك الله فيك
تحياتي وسلامي
عاليا حليم
ممكن طلب لو هتعبك
ممكن نقري البوست ده وهو بوست قديم على فكرة بس ممكن نعرفي انا عايز اقولك ايه ....
http://cairo1979.blogspot.com/2007/07/blog-post_10.html
شكرا اوي
shahy
يارب يخليكي على لسانك اللى بينقط شهد على طول ...
ياريت سلامي لايمان اوي ...
اتفق معك تماما
فالخوف يقتل متعة الاشياء التي نعيشها
اشكرك
ميرسى بجد بوست فى وقته كعادتك فعلا
ما كنتش زمان متردده و مش عرافه دى هتبقى صفه دائمه فيا ولا هتعدى بمرور الحاجه اللى بفكر فيها
ربنا يستر وهحاول باذن الله ما اخافش لانه فعلا مش هسمع صوتها
ربنا يستر
شكرا ليك
ميرسى بجد بوست فى وقته كعادتك فعلا
ما كنتش زمان متردده و مش عرافه دى هتبقى صفه دائمه فيا ولا هتعدى بمرور الحاجه اللى بفكر فيها
ربنا يستر وهحاول باذن الله ما اخافش لانه فعلا مش هسمع صوتها
ربنا يستر
شكرا ليك
انـا بس عايزه اقولك
شكــرا
انا كنت مجتاجه الكلمتين دول دلوقتى بالذات ...
تحياتى بجد ...
سمراء
علشان كده لازم منخفش ونقول اللى جوانا
ساعه الغروب
ايه الكلام ده سا استاذة احنا اتعلمنا منك الشجاعة والبساله والاقدام ...
تحياتي
فوكيره
الحمد لله انها جت في وقتها ويارب يعينك ويسدد خطاك يا فوكيرة يا بنت ام فوكيرة
ترددت قبل كتابته لكن كما يبدو ،يا أجمل الناس،أنك لم تترد في القرار..
تروقني فلسفتك للغاية
كلام كبير
كبير كبير يعني
تسلم ايدك يا عم احمد يا كبيييير
:)
فالرصاصة التي ستقتلك لن تسمع صوتها ...
امممم
لما تكون انت قولت الخلاصة
مينفعش انا ارد غير بجد .. ابدعت
:)
ربنا يكرمك يااارب
لا بجد اشكر لك هذه النظرة التي تتصف بالشمول
الانسان احيانا كتير بيتردد في اد قرارات لا مجال للتردد فيها...مع انه عارف هوا عايز ايه ... وممكن يتردد لأن الموضوع فعلا يستحق التفكير .. مش
عارف بالفعل هوا عايز ايه ..
تدوينة حازت اعجابي ... دمت كاتبا
ياسمين العشري
أحمد..فيه ما فيه
حبيبي واخويا واللى انا مقصر معاه اوي اوي ....
سامحني يا واد اوي ...
وحشني بجد
آلام وآمال
الكبير هو اللى علق مش اللى كتب ...
شكرا اوي على الكلمات الجميله اللى ترد الروح ....
آلام وآمال
الكبير هو اللى علق مش اللى كتب ...
شكرا اوي على الكلمات الجميله اللى ترد الروح ....
noha
ربنا يخليك يا نهي اوي ويفرح قلبك انت اللى وجودك هنا بيسعدني
شكرا اوي
yasmin al-ashry
ربنا يخليك ياسمين وتسلمي ويسلم تعليقك ...
وعلى العموم كل واحد له من اسمه نصيب ولك من اسمك نصيب كبير..
فلنكن جميعا كالياسمين يفوح شذاه وان قتل الف مرة ...
تحياتي
أن أن آاااااااان .. تش :)
هي حقيقي الرصاصة اللي بتقتل مش بنسمع صوتها .. بس اللي بتصيب بنسمع صوتها و بتألم جدا جدا
المغامرة بجد و الحسم ممتع جداا .. بس برضه فيه حاجات ف الحياة - للأسف - لازم تكون محسوبة و كله ف الاخر على الله
بس بجد إحساس ممتع لما تاخد قرار كنت بس مأجل تنفيذه على أمل إن الأحوال حتنصلح بأقل الخساير .. لأنه أوقات عشان حاجات تعيش حاجات كتير لازم تموت .. على رأي الست شيرين .. لما يكون الواحد مقرر يسيب شغله أو يقطع علاقته بحد / بحاجة منغصة عليه عيشته / يغير ف شخصيته أو يومه حاجة و عمال يأجل في القرار اللي حيريحه على أمل إنه تحصل حاجة من خارجه تغير الواقع أو انه الشخص التاني يتغير و يضيع العمر يا ولدي في الصبر على الأوضاع التي نعلم من داخلنا أنها لن تتغير و لكن تبقى جت منهم .. بجد أخد قرار كده بيحسس الواحد إنه أقوى من ارتباطه بالشئ وده ف حد ذاته رائع و يا سلام بقى لو طلع صح ..الواحد يحس إنه سيد الموقف .. و كما قال أحد المشاهير إنه النجاح يأتي من القرارات الصائبة و القرارات الصائبة تأتي من الخبرة و الخبرة تأتي من القرارات الخاطئة
و أخيرا و ليس آخرا .. دوما متألق يا أحمد :)
و كل مولد نبوي و أنت و كل من تحب و كل الأمة الإسلامية في خير و سعادة
إن النجاح يأتي من القرارات الصائبة و القرارات الصائبة تأتي من الخبرة و الخبرة تأتي من القرارات الخاطئة
لا تعليق يعد الكلام اللى انت قلتيه اللى فاق كل تعليق ....
Warm welcome to Alnemat TheGrace Arabic Christian Internet Magazine, We love you! Please visit us at:
In TheGrace opportunity to meet Jesus the Savior / في النعمة فرصة للقاء المُخلِّص يسوع المسيح
http://www.TheGrace.net
Salvation pardon peace life certitude mercy in Jesus / خلاص غفران سلام حياة يقين رحمة في المسيح
http://www.TheGrace.org
Arabic Christian Magazine The Grace offering the Arabic Bible / النعمة تقدم الإنجيل الكتاب المقدس
http://www.TheGrace.com
نتمنى لكم الفرح والسلام والمحبة لأن السلام افضل من الحرب والمحبة افضل من الكراهية كما ان النور أفضل من الظلمة
سلام لكم في محبة الله.نتأمل زياراتكم الكريمة لموقع النعمة موقع مجلة النعمة يقدم كلمة الله الكتاب المقدس الإنجيل رسالة السيد يسوع المسيح قراءات مختارة مواضيع مصيرية قصص واقعية شهادات شخصية ترانيم ممتازة ردود مؤكدة كتب بنّاءة رسوم تسالي تأملات يوميات
Bible audio Read search in Arabic Studys Stories Testimonies Hymns and Poems Answers Books Links Daily devotions Acappella Music Graphics /
Alnemat Journal Arabe Chrétien La Grâce la Revue Arabe sur Internet offre La Sainte Bible Al-Injil L’Evangile de Jésus Christ gratuit, Bienvenue a La Grâce.
Post a Comment