Tuesday, December 22, 2009

أخدم نفسك بنفسك


ليس من الخطأ أن تنتظر الحب من شخص .


وليس عيبا ان تعيش وان تبحث عن الاحترام بين الناس


ومن الطبيعي ان يتمسك اي منا بشخص اذا وجد فيه الحب والوفاء والصدق والأمانة .


ولكن ايضا وجب عليك ان تعطي نفسك ما تتمني ان يعطيه لك الناس.

لانك في كثير من الأحيان تفتقد الحب والوفاء والصدق فتبحث عنهم بين الناس, ولكنك لم تعي ان نفسك تفتقدهم منك أولاً

ولهذا قبل أن تطلب الحب من الغير أحب نفسك .

وقبل ان تطلب من الناس احترامك وجب عليك احترام ذاتك .

وقبل ان تبحث عن المخلص الأمين كن مخلصاً وأميناً مع نفسك .

وقبل ان ترفع لافتات تندد فيها عن كرهك للظلم أوقف ظلمك لنفسك .
أخيراً , ما عجزت عن إعطائه لنفسك لا تحاول أن تبحث عنه بين الناس


دمت سعيدا مع نفسك

Sunday, December 13, 2009

عكس التيار


الحقيقة أن الطائرة لا يمكن آن تقلع إلا عكس اتجاه الرياح فلابد ان تيسير بأقصى سرعة والرياح إمامها تقاومها وبعد ثوان قليله وبعد أن تتحدى الرياح وتسير بأقصى سرعتها وتفتح يدها امامها وهي لا تخشها تبدأ في الطيران فتركب الرياح بعد ان كانت تخشى ان تقتلعها من مكانها وهي واقفة مكانها على الارض .



وهكذا الحياة



إذا أردت آن تقلع وتترك مكانك لا تخشى من السير عكس اتجاه الرياح.



ويجب عليك أن تبذل كل الجهد وان تسير بأقصى سرعة حتى تركب الرياح وتستقر فوق السحاب .



صحيح آن الطائرة تحرق أكثر من 40% من الوقود أثناء الإقلاع والهبوط لان تلك المرحلة هي أصعب وأخطر مرحلة.



فإذا رأيت الرياح تهب أمامك وأحسست ان التيار يسير ضدك فهذا هو الوقت الصحيح للإقلاع.




رحلة سعيدة

Tuesday, December 01, 2009

Tuesday, November 24, 2009

مصر والجزائر


بعد الاحداث المتخلفة التي قام بعد بعض الجمهور الجزائري


والمعالجة الإعلامية التافهة التي قام بها كثير ممن يجلسون أمام الكاميرات ظنا منهم انهم اعلامين أو حتي يمثلوا الشعب المصري .


كرمتنا لا تنتقص بمباراة


كرامتي أهينت عندما أهنت من حكومتي ونظامي


هل نست الحكومة كيف يعامل المصرين في السفارات الاجنيبة


هل نست الحكومة اكياس الدم الفاسدة


هل نست الحكومة غرقي العبارة وحرقى القطار الذين لم يؤخد ثأرهم الى الان


هل نست الحكومة الشعب الجائع


هل نست الحكومة أطبائنا المجلودين في السعودية .


هل اصبحت مشكلة كرامة المواطن المصري هي قطع العلاقة مع الجزائر .


هل أصبحنا وحوش امام المسلمين وخرسى امام اسرائيل وامريكا عندما يدوسوننا بالنعال


ما هو مفهوم الكرامة .


هل من العدل ان نشتم شعب كامل ونهين امة بتصرف حكومتهم او حتي فئه منهم .


نطالب بطرد كل ما هو جزائري وأخضر, وبقى الاسرائيلي في منتجعاتنا وهم يدكون غزة ولم يصرخ بهم أحد .


انا لا اقاطع شعب مسلم ولا أشتمه ولا اسخر منه
انا أكره الاعلام المصري والجزائري

Thursday, November 05, 2009

انا مهما كبرت صغير


عندما يكبر سنك وتظل مبتسم


عندما لا يكبر فيك الا عمرك ويظل قلبك شاب لا يكبر


عندما تظل سعاتك سلاحك في الحياة


عندما يكون قلبك شجرة خضراء تقف عليه الطيور لتغني أجمل الإلحان


عندما تجد نفسك تجيد الرقص رغم ألمك


عندما يحتفل الناس بعامك الجديد وتحتفل انت بعمرك الذي ابتسمت فيه


فأنت لم تكبر
إهداء الى عم أحمد ..... من أحمد

Sunday, October 11, 2009

واحد أصعب من ألف


استطيع ويستطيع كثير منا التعامل من مئات البشر


ولكن يفشل كثير منا في إدارة التعامل مع شخص واحد فقط


فبعضنا يعجز عن إدارة علاقة ناجحة مع أبوه أو أمه أو شريكة حياته بينما يدير العلاقة مع مئات الناس بشكل رائع .


فما أسهل التعامل مع ألف إنسان وما أصعب الحياة مع إنسان واحد


من الرائع ان تكون شخص محبوب من العامة ولكن من المهم أيضا ان تكون مقبول من الخاصة .


اذا كان التعامل مع ألف شخص يحتاج منك جهد فالحفاظ على علاقتك بفرد يحتاج منك ألف جهد .

الخلاصة:-

بعض البشر في حياتنا يستحقون أن نبذل لهم أكثر مما نبذل لألف شخص.

Tuesday, September 22, 2009

رسالة إلى عظيم


دائما أرى ذلك الرجل كالطود الشامخ


عندما كنت صغيرا كنت أحاول تقليده وهو يصلى فإذا ركع نظرت إليه وركعت مثلة وإذا سجد سجدت مثله وأنا لا ادري ماذا يفعل ، إلا أنني أريد أن أكون مثله .


لم يكن لي أخ يكبرني فكان أبي هو ركني الشديد إذا خفت من بطش الدنيا .


ابى دائما هو مثال القوة في عيني


حتى عندما مرت به أشد المحن كنت أراقبه وكلي عجب كيف يستطيع ان يبتسم ويتجلد في وجه القدر، ليعلمني دائما كيف يجب ان يكون الرجال .


لسان حاله وكن رجلاً على الأهوال جلداً = وشيمتك السماحـة والوفـاء


هو العطف


هو الحب


هو الحنان


هو القوة


هو الجبل الذي نختبئ فيه من تقلب الأيام


حتى عندما كبرت في السن لا أتردد أن اختبئ خلفه وأنا ممسك بطرف ثوبه اذا جار عليا الزمن


أبي مهما قلت فيك فلن اوفيك حقك


أبي فخورا انك أبي


أيها المعلم أيها الحنون أيها الأب ليحفظك ربي وليبارك لك في عمرك.

الخلاصة :-

انت ومالك لأبيك.... كشبه العبيد بيعك ويشتريك

Saturday, September 12, 2009

القمر


من أغرب مخلوقات الله هذا القمر


فمع انه لا يشع منه الضوء كالشمس بل يكتفي بأن يعكس لنا ضوئها


إلا انه فاقت شهرته الشمس


فأصبح مضرب المثل في الجمال فإذا اردت وصف الجمال في أحد وصفته بالقمر.


حتى العشاق فالقمر هو ملهمهم .


والقمر هو ونيس أهل الصحراء فاذا كان حاضرا ذهب منهم خوف الليل .


تعجبت كيف استطاع القمر ان ينال كل هذا على حساب الشمس مع انه عاكس لنورها .


ادركت بعض المعاني


أن القمر كان ذكيا وشهما لانه عكس لنا الضوء حينما كنا في الظلام فاحببنا كثيرا .


ضوء القمر يمكنك ان تحدق فيه النظر فهو يتعامل معنا بتواضع يمكن لآي أحد أن ينظر إليه وينعم به .


القمر دائما يبدوا كأنة النقطة البيضاء على صفحة سوداء فلهاذ تراه أجمل المخلوقات .


حتى عندما يكاد ان يرحل عنا اخر ما نراه منه ذلك الهلال وكأنه يبتسم، فالهلال كأنه فم مبتسم يقول لنا اذكروني حتى القاكم قريبا .


الخلاصة :-


إذا لم تستطع أن تكون مصدر الضوء كالشمس فأعكس الضوء كالقمر .


الناس ستذكرك اكثر اذا كنت لهم النور في الظلام .


حتى وانت راحل ليكن اخر ما يراه الناس منك بسمتك .


أذا استطعت فكن مضرب المثل في الجمال.... وان لم تكن أجمل الناس.


علم الناس الحب بنورك في حياتهم و قلوبهم .
لو عايز تكون زي القمر اعمل زي القمر

Thursday, September 03, 2009

سرعة الضوء وسرعة الظلام


درسنا في الفيزياء قديما أن سرعة الضوء حوالي 299,792,458 متر/ثانية


وسرعة الصوت 340.29 م/ث


ولكن ما هي سرعة الظلام ؟


علميا سرعة الظلام هي نفس سرعة الضوء


بالتالي فأنت تصارع خصم شديد السرعة يمكن أن ينتشر في لا وقت


ومن الغباء ان تصارع الظلام الذي سرعته 299,792,458 م/ث بالصوت الذي سرعته 340.29 م/ث


فاذا أردت أن تنتصر على الظلام فأوقد شمعة


وإذا أردت ان تسحقه فاحرق الظلام بالنور .


الخلاصة

الصوت أبطيء بكثير من الظلام فلا تحارب الظلام بالصوت لأنك ستفني عمرك حتى تلحق بالظلام .


شمعة صغيرة كافية ان تزيل الظلام الذي حولك

Tuesday, August 18, 2009

المرأة و الجنة


يعتقد كثيرا من الرجال "وانا منهم " ان سبب خروج ادم من الجنة هي وسوسة الشيطان ووسوسة حواء له بأكل الثمرة


وكثير من الرجال يعايرون النساء بهذه الواقعة


وكأنهن سبب شقاء الرجال في الدنيا


ولكني حقا تيقنت ان كان هذا قد حصل فلأن المرأة كانت متأكدة أن الرجل سيجد الجنة بين زراعيها وهي حبيبته


ويجدها عندما تحتضنه وهي ابنته


ويجدها تحد قدميها وهي امه .


فالمرأة لم تسلب من الرجل الجنة بل كانت له الجنة في الدنيا حتى يدخل جنة ربة يوم الدين .


المرأة هي سر سعادة الرجل إذا وجدها جنته وسر شقاؤه إذا لم يجدها كذلك.


باختصار المرأة هي جنة الرجل في الأرض اذا رآها كما خلقها له الله .

Saturday, August 08, 2009

اذا كنت حزين فلا تقلق فسوف يتغير الحال واذا كنت سعيد فلا تفرط فسوف يتغير الحال .




لا تحزن كثيرا فسوف يذهب حزنك



ولا تفرط في الفرح فسوف تألف ابتسامتك



فعندما تفرط في الحزن يصعب عليك بعدها الفرح ويصبح اسعادك صعب المنال .



وإذا كنت مفرط في الفرح لا تتوقع أي سوء فان أي شيء صغير يحدث لك قادر على إصابتك بخيبة الأمل



اذا كنت تعلم جيدا ان دوام الحال من المحال



واصابك الحزن فلا تقلق فلن يدوم حزنك



واذا كنت سعيدا فلا تفرط

Tuesday, June 23, 2009

إن كنت لا تعلم ما يحمل المستقبل... فانت تعلم من يحمل المستقبل


أحسست فجأة أني أملك واسطة ليست كأي واسطة .


أعرف من يقدر على تغير الكون بكلمة


استعجبت اننا نخاف مما يحمل لنا القدر ونحن نكلم ونعرف من قدر القدر.


استعجبت كيف أخاف من غدا وأنا اعرف جيدا من خلق الغد .


حينها فقط أدركت أننا لا نخاف من القدر إلا إذا نسينا اننا نعرف من قدره .


نخاف حين لا ندرك القوة التي نملكها حين نتعامل مع مقدر القدر.... لا القدر .


نصيحة

لا تخاف من القدر فانت صاحب وحبيب من قدرة .



كلنا معنا القوة التي تستطيع ان تغير الكون بكلمة....... لكننا لازلنا نخاف من القدر!!!



فليتك تحلو والحياة مريرة وليتك ترضى والأنام غضاب وليت الذي بيني وبينك عامر وبيني وبين العالمين خراب

Sunday, June 14, 2009

العَدّاء


تعجبني روح العدائين وفلسفتهم في الفوز بالسباق


فعندما يطلق الحكم إشارة البدء يتحرك الجميع بأقصى سرعة


يحاول كل منهم كسب السباق


فعندما يتقدم احدهم ويهزم الجميع ويصل قبلهم إلى خط النهاية....


لا يتوقف احد، فالجميع يكمل الركض بنفس الروح وباقصى سرعة حتى يصل الجميع إلى خط النهاية.


فالوصول إلى خط النهاية هدفا يسعى الجميع إلى تحقيقه إذا أخفقوا في الهدف الأول


· قوة الإرادة
· الأمل
· عدم الاستسلام واليأس
· الأخذ بالأسباب


كل هذه المعاني أحسستها فلسفة عند العداء وأنا أشاهد إحدى السباقات


فهل نستطيع أن نتعامل مع الحياة كما يتعامل العداء مع السباق ؟

بقوة إرادة وأمل واخذ بالأسباب
وان نكمل سيرنا في الحياة بنفس الروح والامل حتى نصل الى نقطة النهاية ، ام ننا نقف ونستسلم ونفقد الامل عند اول منعطف ؟؟

Saturday, June 06, 2009

مرض الحزن


صحيح ممكن حاجات كتير تحزنا في الدنيا

حالة البلد

صعوبة العيشة

خناقة تقليدية مع الأهل

حب مش عارف توصله

أو حب مش عارف تتخلص منه

موت حد عزيز عليك

إحساسك انك محدش حاسس بيك وتأمر الكون على إتعاسك !!!

وغيرها .....

كلها اسباب يراها البعض كافية للحزن

على الجانب الاخر

وجود حد بيحبك في الكون مش حاجة تسعد (اعتقد مفيش حد محدش بيحبه)


انك صحتك كويسة ومش مريض بمرض يقعدك مش حاجة تطير من السعادة ؟


انك مهما خسرت لسه عايش وبقوتك وقادر تبني تاني مش حاجة تسعد ؟



ان ليك رب معاك ومش بيسيبك مش حاجة تخليك ما تحزنش ابدا



انزل على ركبك وابتسم واحمد ربك انك قادر تقف على رجلك .


ابتسم اوي واحمد ربك ، هيديك اكتر ما انت عايز

Wednesday, May 20, 2009

لو نفسك الدنيا تمطر , جهز نفسك انك هتمشى في الطين


لما الجو يكون حر جدا


وحرارة الشمس قاتلة


ويكون نفسك الدنيا تمطر علشان الجو يتحسن


وعمال تدعي ربنا ليل نهار انها تمطر .


لازم تعرف انك هتمشى ساعتها في الطين


أصل الدنيا لما بتديك حاجة لازم بتاخد منك حاجة


ومن جمالها بردة لو خدت حاجة بتديك قدامها حاجة


وذكائك لما تعرف هي وهبت لك ايه؟ لما خدت منك ايه ؟


لو نفسك تأخد كل حاجه مش هتعيش سعيد


ولو الدنيا مطرت فانت زعلت انك ماشي في طين ساعتها مش هتستمتع بنعمة المطرة


علشان مفهمتش سر الحياة .


نصيحة

استمتع بالمطر وانت يترقص في الطين

Sunday, May 10, 2009

محدش مبيعرفش يطير


أغلبنا بيظن إن الطيور بس هي اللي بتطير وتغني


طبعا الكلام ده غلط


احنا كمان بنعرف نطير ولو لجزء من الثانية


ولو حد شاطر عرف يصورك اللحظة دي هتعرف انك ممكن تطير من فوق الأرض من غير جناحات


بنطير لما نضحك


بنطير لما نستمتع باللحظة مش بالدقيقة


بنطير لما نقرر اننا نقاوم الارض وننط من فوقها ولو ثانية


مش لازم تتعلم فن الطيران علشان تطير


بس لازم تتعلم فن سعادة اللحظة علشان تطير .


الطير مش بيغني علشان عنده أغنية


الطير بيغني علشان اتعلم يغني .

Tuesday, April 28, 2009

زي الشاي


كثير منا يحب بل ويعشق الشاي


ولكن كيف يمكنك ان تحكم على جودة الشاي اذا كنت من الذواقة ؟


الطريقة سهلة :-

أحضر كوب من الماء
اسكب الماء في البراد
ضعه على النار حتى يغلي الماء
انتظر ثواني بعد غليان الماء
صغ الشاي
ألان يمكنك أن تتذوق الشاى وتحكم عليه

بنفس الطريقة يمكنك معرفة أنواع البشر والحكم عليهم

احضر صديقاً
ضعه في درجة الغليان
انتظر ثواني بعد الغليان
تذوق طعم صديقك
ألان يمكنك أن معرفة صديقك والحكم عليه
كرر العملية لضمان عدلك في حكمك


فإذا كنت من الذواقة لا تحكم على احد قبل درجة الغليان وبعدها معرفة جودة من امامك امر سهل الحكم عليه .



مشربش الشاي أشرب ازوزه انا :)

Tuesday, March 31, 2009

البعوضة


اختلفت مع احد أصدقائي في الرأي


فهو يؤمن أن الناس الذين يهتمون بتفاصيل الأمور ويتركون مجملها لايعيشون في سعادة لأنهم أسرى للتفاصيل فنظرتهم قصيرة لا يرون إلا ما أمامهم مباشرة أما البعيد فلا يرونه .


وأنا أؤمن أن التفاصيل الصغيرة تصنع الصورة الكبيرة فلا يمكن إهمالها .


فمن عنده بعد نظر يمكن أن يرى البعيد دائما لكنة لا يستطيع قرأه جريدة أمامه.


ومن عنده قصر نظر يستطيع أن يقرأ الجريدة التي أمامه ولكنة لا يرى البعيد.


وبالتالي فلابد من الاهتمام بالتفصيل وعيننا على الصورة كاملة .


فظل مختلفاً معي لأنه يؤمن أن التفاصيل تولد الحزن


فالتفاصيل تغرقنا في التفاهات


وان كنت أؤمن أن أبعتادنا عن سفاسف الأمور غنيمة


ولكني لازلت مقتنع أن الذين لا يؤمنون أن الأشياء الصغيرة مؤثرة فليحاولوا أن يناموا مع بعوضة في نفس الغرفة .

Tuesday, March 24, 2009

الموروثات


ابقى قابلني لو فلحت


انت مش عارف مصلحتك


كلامي يسمع من غير مناقشة


الأب :- قومي شوفي ولادِك


كلمات كلنا سمعناها من أبائنا وأمهاتنا في البيوت


مع أنهم من أمكان مختلفة ومن مستويات مختلفة بس تحس إنهم كلهم أتعلموا في نفس المدرسة نفس التعليقات ونفس ردود الأفعال!!
حتى في رفضهم أو موافقتهم على أي حاجه تحس بتشابه فظيع


كان فيه ميل فكاهي بيتداول عن أشهر الكلمات عند الأسر المصرية زي اللي انا كاتبوا في بداية الكلام


ولكن


هل الموروث دائما على حق ؟؟
ولماذا مع رفضنا لهذه التصرفات سيشتكي أبنائنا من نفس التصرفات وبنفس الكلمات التي ستكون صدرت منا بعد سنوات من ألان لهم ؟

لماذا لا نصمد على معتقداتنا الحديثة المتطورة طويلا ثم ما نلبث ان نعود للموروثات القديمة ؟


تشكتي بنت من بعض تصرفات الام معها وتجدها تعامل ابنتها بنفس الطريقة ويشتكي الأبناء من الأب في بعض التصرفات ثم ما يلبث ان تجد ذلك الابن المشتكي أصبح من يشكى لأنه أصبح نفس الصورة !!


إذا كانت الموروثات صحيحة وبها بعض الأخطاء فلماذا نطبقها بأخطائها !!


اذا كنت لا تجد حلا لتلك الأسئلة مثلي فعلى الأقل اجتهد أن لا ترث منها إلا ما يرضى ربك ويرضيك عن نفسك ويرضى من دونك عنك .



ويجعله عامر

Monday, March 16, 2009

امته بنقع


لو كنت من المحترفين أو حتى من الناس اللي بتعرف تسوق عجل هتعرف انك مش هتقع من العجلة إلا لو بطلت تبدل


مش هتقع إلا لو فكرت انك تقف


مش هتقع طول ما أنت شغال ومكمل وعمال تبدل


لو بطلت تبدل وأنت ماشى في الحياة احتمال تقع برده


علشان كده الحياة ليها فنون في السير فيها زي ركوب العجل


ومن فنونها مهما يحصل لك كمل تبديل علشان ما تقعش


اللي مش عاجبه كلامي ما يركبش عجل :)

Wednesday, March 11, 2009

الأحجار


فيه حد الحجر عنده حاجه بيلعب بيها يمسكها ويرميها في المية لمل يكون فرحان أو وهو زعلان


وحد يبلعن الحجر علشان بيتكعبل فيه وهو ماشي


وحد بيتسلقها


وحد بيبني بيها


هي ديه الحياة كل واحد بيشوفها وبيتعامل معاها بشكل مختلف


ناس بترميها... وناس بتتكعبل فيها ...وناس بتتسلقها لحد اما يوصلوا فوق ...وناس بتبنيها ....


لما هنفهم كده هنفهم ان الأهرامات مش هي المعجزة اللي بنوها هما المعجزة .

Thursday, February 26, 2009

كلام الأعداء وصمت الأصدقاء


بما ان البشر ينسون الأشياء الصغيرة


وتبقى في ذاكرتهم الأحداث الصعبة ..... فهي صعبة النسيان


ولما كان طعن العدو مؤلماً ولا ينسى


فإن صمت الصديق في محنتنا هو أشد محنة


فمحنة الصمت أوجع من محنة الكلام


أيها الصديق أحذر جيدا فإن صمتك أو بعدك عن صديقك وقت ألمه هو أشد عليه من الألم


وصمتك - وهو في أمس الحاجة لكلماتك - ينسيه كل الألم ويبقى صمتك هو الألم


أيها الأصدقاء الألداء كونوا أصدقاء أعزاء

Wednesday, February 18, 2009

لو عايز الناس تفضل فكراك استلف منهم ، لو عايزهم ينسوك أو يتناسوك سلفهم


ليه محدش بينسى حد سلفه قرش بس بينسى خلق استلف منهم 100 قرش

ليه بتفضل على البال وأنت سالف

ومش بيترد عليك وأنت مسلف

ليه مش بننسى لما بندي

وبننسى لما نأخذ

ليه اللي ليه عندنا تار مش بننساه

بس اللي ليه في رقبتنا جميل بيغيب كتير عنا .
زي ما انت مش بتنسى لما بتدي أوعى تتناسى لما تأخد

لو كلامي صح راجع نفسك

لو كلامي غلط يبقى انا غلطان

Tuesday, February 10, 2009

بطٌل تف


مش عارف ممكن الناس تقرف من كلامي بس أصبحت ظاهرة مقرفه فعلا ً


بجد مش مصدق اني ابقى سايق العربية تنزل على القزاز تفه طايره من ميكروباص قدامي


مش مصدق ان ممكن حد متعلم بكل بساطه يقضى حاجته تحت الكوبري والجدع اللي يمشى تحت اي كوبري من غير ما تجيلوا حالة اختناق


ممكن البلد تكون مهببه علشان مصر أصبحت عند أغلب رجال الحكومة مشروع استثماري يكسبوا منه مش دولة يطوروها


بس احنا أزاي بننتقضهم وإحنا زيهم مصر بالنسبة لينا سلة زبالة او مرحاض عام


نتف وتقضى حاجتنا ونرمي الزبالة من الميكروباص أو العربية بكل بساطه


ازاي قبلنا وتقبلنا اننا نعيش قي مزبلة وتبقى الشوارع مبولة كبيرة .


ده لما النبي وصف الأرض وصفها انها مسجدا وطهورا .


الأصل فيها الطهارة والنظافة زي الجامع ولو انت متقدرش تتف او ترمي حاجه على الأرض في الجامع فالأرض كلها جامع


ياريت اللي يقرأ البوست ده ويكون بيتف يبطل تف في الشارع .


ولو كان بيتوجة تحت الكوبري كتير يتعب نفسه يدور على مكان أفضل يعمل فيه كده


وياريت الزبالة نرميها في الزباله حتى لو الحكومة مش حطين اي سلة للزباله في الشارع ندور على اقرب زبالة


والنيل شكله هيكون احلى لو اللي بيعوم فيه بط او اي طير مش قشر لب وعلب بيبسي .

Tuesday, January 27, 2009

مفيش اي يوم في حياتك مش مهم


لما تحس إن الأيام شبه بعض


وتحس بملل فظيع


وتحس انه لا جديد في الحياة


لدرجة انك بتنسى انهرده يوم إيه


أصله يوم مش مهم علشان مفيش فيه حدث يذكر


بس لو مفيش في اليوم حدث غير انك فضلت حي وممتش هتعرف اد ايه اليوم ده مهم بس بعدين


أهم يوم في حياتك هو اللي انت فضلت فيه عايش


أصلك مجربتش اليوم الوحيد اللي هتحس فيه اد ايه ان اليوم اللي كنت كملته لأخره وأنت حي هو أهم يوم.



يومك سعيد

Tuesday, January 20, 2009

كلام في سرك


كلنا عندنا اسرار مش عايزين حد يعرفها


أسرار عايزين نخبيها عن الناس علشان محدش يعرفها


وأسرار بنخبيها عن نفسنا علشان مانركزش إن إحنا نعرفها


الأسرار اللي بنخبيها عن الناس ممكن نكون صح أوي لما نخبيها


الأسرار اللي بنخبيها عن نفسنا بنكون أغبياء أوي لما نخبيها

الكلام ده في سرك

Monday, January 12, 2009

أنا مش محبط



لو حد فاكر فيلم جاءنا البيان التالي كان فيه لقطة محمد هنيدي بيقول لواحد في الشارع


هابي نيو ير يا عم سعيد


رد عليه الراجل بمنتهى التلقائية "أنت عبيط ولى ايه "


وبدأ يسرد مبررات عبط المذيع..... نيو يير ايه !!!!


ممكن نكون كلنا دلوقتي عم سعيد اللي مش عارف من كلمة السعادة غير اسمه


أنا بقول لا


حتي في أحداث غزة اللي كلها موت مش محبط


علشان لو أصبحت محبط يبقى أنا فشلت


حتي ربنا وهو بيحكي لينا قصة أصحاب الاخدود اللي كل الناس اتحرقوا فيها حتي البطل


قال ذلك الفوز الكبير


مكنتش عارف فازو بايه .. بعد كده فهمت


فوزك لازم تعرف تقاوم هموم الحياة وتصمد على مبادئك


فوزك لما تعمل اللي مطلوب منك حتى لو محررتش الكون


فوزك لما تموت وربنا راضي عنك


مش مطلوب منك تحرير غزة مطلوب منك تعمل اللي تقدر تقف بيه قدام ربنا ويدخلك الجنة


لو اتحررت غزة وانت دخلت النار مش هتستفيد حاجه


بس لو عملت اللي عليك ومت علي سريرك وسط أهلك هتدخل الجنة وهتبقى كد فزت .


أوعى تحبط أوعي تعيط وتفضل في مكانك اعمل اللي تقدر عليه وسيب الباقي على اللي خلقك

الكلام ده مش علشان احداث غزة بس الكلام ده في كل حياتك


الاحباط هو احساس العجز وانت عمرك ماهتكون عاجر 100% طالما لسه بتتنفس .


قوم ونفض التراب واعمل اللي تقدر علية قدام اي موضوع تحس فيه انك عاجز وسيب الباقي على ربنا

وافتكردائماً... انت مش محبط ومش عاجز انت محتاج تفكربس هتقدر تعمل ايه في اي موضوع شغلك .

Monday, January 05, 2009

ليه لما بنعمل حاجة صح قليل بيفتكروها ولما نعمل حاجة غلط محدش بينساها .



حكم بشري ظالم ...


لما حد بيعمل فينا 100 موقف حلو بنقدرة وبنحبة بس بننساه بعد شوية


بس غلطة كافية لتدمير ما كان وعذرنا الوحيد مش قادر انسى


أعرف واحد من الصحابة عاير صحابي تاني بأمه وواحد تاني زنى وواحد ثالث سرق بس في الاخر فضلوا صحابة وفي الجنة .


نصيحة
خليك عادل ورحيم وانت بتتعامل مع كل حاجة حواليك في الكون حتى عربيتك لو طول عمرها شيلاك وباظت مرة ما تشتمهاش .