ليه لما بنعمل حاجة صح قليل بيفتكروها ولما نعمل حاجة غلط محدش بينساها .
حكم بشري ظالم ...
لما حد بيعمل فينا 100 موقف حلو بنقدرة وبنحبة بس بننساه بعد شوية
بس غلطة كافية لتدمير ما كان وعذرنا الوحيد مش قادر انسى
أعرف واحد من الصحابة عاير صحابي تاني بأمه وواحد تاني زنى وواحد ثالث سرق بس في الاخر فضلوا صحابة وفي الجنة .
نصيحة
خليك عادل ورحيم وانت بتتعامل مع كل حاجة حواليك في الكون حتى عربيتك لو طول عمرها شيلاك وباظت مرة ما تشتمهاش .
21 comments:
kalamak sa7 awyyyy ya ahmed
fe3lan a3'lab elnas bete3mel keda
belra3'm en rabena sob7ano wata3ala
mesh beyet3amel ma3ana keda we kaman 2ad eh en e7na nesame7 ba3d sawabha kebeer awy 3and rabena
we yareet kolena fe3lan ne2dar nesameh ba3d
فكرت في كلامك وقلت يتري انا بعمل كده ولأ,,,بس جه في بالي.. حديث الرسول صلي الله عليه وسلم
-ألتمس لأخيك سبعون عذرا-
ما أصل احنا لو لأقينالوا سبعين سبب للحاجه اللي عملها فينا -علي فكره انا مش حسميها غلطه عشان انا عندي سبعين سبب تخليها مش غلطه - عمرنا ما حنفتكر له اي حاجه مضيقانه منه
بجد انت كلامك جميل قوي وبحب اقرأه قوي
ربنا يديمها عليك نعمه
ويجازيك كل خير
تحياتي
تفتكر هي دي بتتوقف على الرحمة و العدل في قلوبنا و لا على كوننا عندنا أصل و لا لأ يعني بيقولك " إذا أنت أكرمت الكريم ملكته و إن أنت أكرمت اللئيم تمردا"
بيتهيألى المثل ده بينطبق على الإنسان اللى مش بيفتكر وقت الزعل غير الحاجة الوحشة بس و مش بيفتكر الحاجات الحلوة
مش عارفة ليه في أول البوست تخيلت انك بتتلكم على وضع مصر دلوقتى و إن الكل بيقول عليها إنها مش بتقف مع غزة ، بس رجعت قلت لأ .
يا رب ما تكونش بتنسى تدعي لغزة ربنا يرحمها و ينصر أهلها و يعز المسلمين جميعا
تحياتي
عارف ليه
علشان كتير من البشر بيحبوا يعيشوا في دور القاضي
Darin atassy
ana sa5seyaan it is too hard to mee to do it but i have to keep trying :))
thanks awiii for being there
marwa
بجد يا مروة شكرا اوي على كلامك الجميل ويارب نكون بنعرف نعمل ربع اللي بنقوله للناس
الحلم العربي
افتكر ديه ليها علاقة باصلنا ايه زاحنا اتربينا على ايه علشان كده انا بعتقد انه صعب اوي تنفيذة
كلامك صح انا قصدك حاجات كتير بالبوست ده بس كان قصدي الكبير على حماس وعلى مصر وعلى بعض الناس اللي غلط مش لازم ننسى حسناته
شكرا يا حلم
RAMA
صح اوي القضاة اصبحوا هما السواد الاعظم
لو دي غلطة وتعدي سااامح مرة اتنين تلاتة .. لكن لو طبع في البني آدم انه كذاب مثلا أو منافق ... إلخ مينفعش نتسامح يا أحمد لأنه الغلطة حتكرر وتكرر وتكرر
أنا معاك انه الحلو بيتنسي (عادة) و الوحش بيفتكروه مضاعف .. بس دول بس قليلي الأصل .. الإنسان الأصيل بيفتكر لو حد ادله كوباية ميه وهو عطشان
.. ده غير لو كلمة اتقالت في ساعة غضب لازم نعديها .. بس بشكل عام فيه مثل بيقول تخاصمني فـ شارع وتصالحني ف عاطفة
أما لو كنت بتتكلم عن النقد لتصرفات الواحد .. فده العادي عند الناس .. إن مالقوش في الورد عيب بيقولوا له يا احمر الخدين .. فالواحد لازم يكبر دماغه تماما ويتقي الله ولا يضع نفسه موضع الشبهات .. واللي يتكلم عليه هو حر بقى
..
دامت بوستاتك متألقة
هى دى الدنيا
اللى احنا عايشين فيها
دايما فاكرين الوحش
والحلو بيتنسى فى ساعتها
حزينه
حاضر
إيمان الميهي
قصدي اننا نسامح على عيوب الناس علشان محدش خالي حتي جرايم الحرب اللي حد ممكن يعملها ممكن نسامحه لو تاب منها
تحياتي ليكي اوي وشدي حيلك
حزينه
يبقى تعالي احنا ننسى الوحش في ساعتها وما نفتكرش غير الحلو
اقولك على حاجه حلوة بسبوسة :)))
بسمة ولكن
:))))))
شكرا
الكلام ده مظبوط بس يا حاج احمد احنا بشر ممكن يكون الكلام ده موجود الان بشيء منتشر في المجتمع المهم يوجد صفاء في القلب من اي حد من الناس وانت عارف القصة المشهورة بتاعت الصحابي
الذي قال عنه الرسول (صلي ) الان يدخل عليكم رجل من اهل الجنة
..........وكمل انت القصة
بس انت وحشني يا اخي العزيز احمد
السلام عليكم ورحمة الله وبركاته
انا من احدى المتابعين ليك من مدة كبيرة بس انا ملاحظة ان الموضوعات من فترة تقريبا تتناول بنفس الطريقة دون تغيير ... الحقيقة الموضوعات جميلة جدا شكرااااااا لك على هذا التذكير
:)))))))
محمود سنوسي
ربنا يخليك يا حبيبي
بجد تسلم ايدك علبى كلامك اللي بيخر عسل :))
ميس يووووووووووو
Anonymous
وعليكم السلام ورحمة الله
طبعا يشرفني انك ن المتابعين
ممكن تكوني صح اوي نفس المواضيع بقالي كتير ممكن علشان انا فعلا بقالي كتير هنا (في الدنيا)
او ممكن علشان كنت في مووود واحد
ممكن
والله كلامك خلاني افكر
بس المهم اني لسه بفرح :)))
شكرا على الملاحظة
"إن الإنسان لربه لكنود" = يعنى بيفتكر دايما المحن وينسى النعم..إذا كانت دى علاقة بعض الأفراد بربنا (إلا مارحم ربى طبعا)؛ عايز شكل علاقاتنا ببعضينا تكون إزاى !!!!
لو تفتكر فيلم ( ويجا ) ؛ هانى سلامة فى آخر الفيلم قال كلمة عجبتنى قوى..قال : " لو دورنا على الأسباب الى تخلينا نحب بعض؛ هنلاقى و حنحب بعض ..و لو دورنا على الحاجات الى ممكن تخلينا نكره بعض؛برضو حنلاقى و حنكره بعض " ...دايما نبص على جانب الكوباية المليان؛مش بس فى الدنيا عموما..ده حتى فى علاقاتنا الإنسانية مع بعضينا
سامحنى ع التأخير ده
اقولك مش بننسى الغلط ليه
لان لو حد عمل معانا حاجات حلوة كتير بيكون عارفنا شخصيا من جوانا غير كل الناس اللى بنتعامل معاهم عادى اما يغلط فينا وهو عارفنا وعارف اد ايه هنتوجع صعب نسامح
دى حاجة ، ممكن اسامح على غلطة بعدها اعتذار ان الغلطة مش هتتكرر لكن اسامح ازاى حد على انانيته؟ ماهو لسه زى ماهو انانى .. عارف يا احمد اما تكون مش قادر تسامح حد انت كمان بتكون تعبان . الاعتذار اخلاق والمفروض كلنا نكون اخلاق عالية بس التسامح فضيلة ومش كلنا افلاطون
Post a Comment