لو عايز الناس تفضل فكراك استلف منهم ، لو عايزهم ينسوك أو يتناسوك سلفهم
ليه محدش بينسى حد سلفه قرش بس بينسى خلق استلف منهم 100 قرش
ليه بتفضل على البال وأنت سالف
ومش بيترد عليك وأنت مسلف
ليه مش بننسى لما بندي
وبننسى لما نأخذ
ليه اللي ليه عندنا تار مش بننساه
بس اللي ليه في رقبتنا جميل بيغيب كتير عنا .
ليه بتفضل على البال وأنت سالف
ومش بيترد عليك وأنت مسلف
ليه مش بننسى لما بندي
وبننسى لما نأخذ
ليه اللي ليه عندنا تار مش بننساه
بس اللي ليه في رقبتنا جميل بيغيب كتير عنا .
زي ما انت مش بتنسى لما بتدي أوعى تتناسى لما تأخد
لو كلامي صح راجع نفسك
لو كلامي غلط يبقى انا غلطان
لو كلامي غلط يبقى انا غلطان
23 comments:
لأ كلامك صح
مقدرش اقولك صح و ما اقدرش اقولك غلطان لأننا ساعات بنكون كده و ساعات بنكون مش كده
صعب على الأصيل انه ينسى حد عمل فيه معروف أو طلعه من أزمه أو ساعده في وقت كان محتاجه
أما غير الأصيل اللى سهل عليه ينسى أي حاجة فده أعتقد انه من رحمة ربنا بينا انه بينسانا و احنا كمان بننساه بعدها حتى لو كنا خسرنا بسببه وقت و حاجات تانية لكن البقاء معاه بيخسرنا اكتر
لكن قولى هو انت سلفته كام ؟؟؟ :)))
دمت بخير
من زمان ما قعدتش في تاني كرسي عندك في المدونة قلت آخد الكرسي الثالث كمان
:))))))
كلامك صح والله
والحمد لله ما فيش عليا حاجة لحد
حفظنا الله من الدين ونكران الجميل
خالص تحيتى
سالى
Dalia w Ahmed
والله الغظيم انتي اللي صح انت عارفه انا قصدي ايه
الحلم العربي
هههههههههههههه
والله مش مسلف حد وهربان مني
بس المشكلة لما نجري من حد كل ذنبة انه وقف جنبنا لما كنا محتاجينه
عيب علينا بجد
الحلم العربي
انت مشرفاني على طول والله
يارب دائما تكوني في الاول :))
حاجات جوايا
بس لو في يوم كان فيه
خلينا محسنين
شكرا أوي على وجودك هنا
اول مرة من ساعة ما بدأت اتابع مدونتك ...اضحك عل اللى انت كاتبه...
شكرا
هل جزاء الاحسان الا الاحسان ؟
كلامك مظبوط
بس نقطة مهمة جدا احنا المفروض الواحد ينظرعلي موضوع السلفة ده من ناحية "من نفس عن مؤمن كربة من كراب الدينا نفس الله عنه كرابة من كراب الاخرة " يعني احنا مش عايزين نكسف حد ممكن تكون ظروفة صعبة المهم انت وانت بتتعامل مع الناس لوجه الله ولاعلشان ده يسأل عليك يااحمد الدينا الان في ظل الظروف الصعبة لو عندك وقت انت اطمان علي الناس ولا تنتظر اني حد يتصل او يسال عليك
ممكن كلامي مثلي ولكن في الوفت ده هو الاحسن أخوك محمود سنوسي
عندك حق
بس المفروض إننا ندي مش مستنيين مقابل من حد لأننا بنتعامل كدة عشان ربنا قبل ما يكون عشان الناس
ساعات حقيقي بتكون صعبة.. بس لازم نحاول
ياعم احمد المثل بيقول
السلف تلف والرد خسارة :D
كلامك صح طبعا
الدنيا بجد
بقت وحشه اوى واللى فيها كمان بقوا وحشين اوى
حزينه
انا لسه شايفه البوست دلوقت بسه هو جاي في وقته معايا ،،، صح ليه الناس مش بتفتكر لينا إلا الوحش و السلف و مبتفتكرش لينا اننا إدينا و ساهمنا ولو بحاجه كويسه ، وكأن اللي احنا بنعمله ده حق مكتسب ليهم ولازم ندي بدون مقابل
مش عارفه بجد ليه الناس بتعمل كده
كلامك صح قوي
chaimaa
هههههههههههه
يااااااه اد كده دمي تقيل
wafaa
ومين سمع يا وفاء
محمود سنوسي
كلامك صح
بس اللي خد ما ينساش ان هل جزاء الاحسان الا الاحسان
انت بتكون متخيل من الناس اكتر
وحشني يا سوداني
Wish I were a Butterfly ...
انا مش بطلب من الناس انها تسلف بعضها انا بطلب فقط رد الاحسان اللي هو حق طبيعي للاحسان
همسة قلم
بس ربنا مش بيقول كده :)))
حزينه
لا مش هي اللي وحشة
الدنيا حلوة زي اللوحة البيضة احنا اللي بنوسخها وممكن ننضفها كمان لو عايزين :)ى
MARWA
علشان الحر من راعى وداد لحظة
كلامك صح جدااا
و حتى فى دليل من القرآن على كلامك :
يقول تعالى فى سورة العاديات :
إن الإنسان لربه لكنود و إنه على ذلك لشهيد
حتى البنى آدم فى علاقته بربنا سبحانه و تعالى مبيفتكرش غير الشدة الى بتمر بيه و بينسى الخير الى ربنا منعم عليه به.. فا مش عاوز بقى البنى آدمين يعملوا كده !!!!!!!!!
و عجبى
Post a Comment